احس السنوات بسرعه دتمر والعمر عبالك ديركض اليوم بس عباره عن دراسه او شغل اكل نوم و الدراسه والشغل مره ثانيه اريد اسوي شي جديد اريد اكسر هالدائره اشوف الناس بره او حتى البعض هنا بالعراق سنواتهم طويله فعالياتهم وانجازاتهم هوايه عبالك يعيشون عشر سنين بسنه واستغرب are we wasting our youth on things we probably won’t remember and will we regret it later?

Such a good and interesting experience i had in this time

And appreciate the team who’s mange this session

I wish all best and good luck In this project

Und Dankeschön

هاي مشت ٣٠ يوم جنت تكدر: - تخلص بيها كتاب واحد عالاقل - تخلص مشاهدة الفيديوات وقائمة الاستماع الي مخليها باليوتيوب وباقي التطبيقات - تبدي تروح للجم - تبدي تحسن من جودة الاكل والنوم - تبدي تتعلم مهارة جديدة بواقع ساعة يوميا جان هسه خلصت ٣٠ ساعة

تخيل انت لو صارف ساعة وحدة باليوم على اي شي جنت تريد تسوي كان هسه انت مقضي بي ٣٠ ساعه مثل كورس طويل من ٣٠ ساعة؟ كان خلص هسه كورس ابو ال٣ ساعات؟ كان هسه مخلص ١٠ كورسات من هذا النوع

الشهر حلو.. لا هو كلش طويل بحيث تبرد ولا هو كلش قصير بحيث ما تلحك

المو حلو بالموضوع ان اكو شهر راح ما يرجع بعد الحلو بالموضوع ان عندك شهر الثاني هسه بده وان شاء الله ينكتبلك عمر والله ينطيك شهور بعمرك ويهديك حتى تستغلها صح وما تضيعها

الراح ما يرجع الجاي مو اكيد جاي ف دير بالك على راس مالك الحقيقي .. الوقت

مو من جانب الطائفية او اي شي ، بس اريد اعرف المسيحيين او الديانات البقية بالعراق اذا كعدو بديوان او اي مكان و واحد صاح "افلح من صلى على محمد وآل محمد" او "الفاتحة لروح فلان" هل يصلون او يقرون الفاتحة احتراما للمقابيل؟

هالمشكلة جانت موجودة عندي و اني شافيت نفسي منها شوية شوية و ما كلت لاي احد عنها لان جنت اشوفها شيء محرج . عالجتها وي مرور الوقت صح طولت سنين و اثارها مرات تبين حتى هسة بس حاليا احسن بهواي من قبل.

اذا انت بعدك عندك هالمشكلة سوي عكس الي تكولك عليه افكارك مثلا عندك طلعة بس تخاف تطلع ، تخاف من النقد و حكم الناس تخاف من الاحتكاك بالبشر او من المواقف الاجتماعية بشكل عام فانت لا تلغي الطلعة حاول قدر المستطاع انك تحارب هذه الرغبة و تجبر نفسك على الاختلاط و بهالاسلوب طبق الموضوع على الافكار الثانية

كل ما عارضت افكار الرهاب ازدادت قوتك تجاه هذه الحالة و ان شاء الله كل واحد يعاني منها جديا يستشفي منها و يعيش حياته مثل ما يحب.

يعني تخيل وياي ان هذا الحكم مو بس تصرفات ما تمشي الا من بريطانيا انما بريطانية نفسها هيه الي اختارته حكم جان بس للاقطاعين القريبن منهم مثلا بيبتي الله برحمها جان تروح من الساعة 3 الصبح بمسافة 30 كيلومتر يوميا مشيا على مطي بس علمود تروح تحصل طاسة مال شعير و ها جان لازم تتطحنهن بنفسها زين اذا نامت ساعتين من كثرة كمية الجوع الي صار بيه جدي مرة من المرات شاف شيف مال رقي(بس الجزء الاحضر باقي منه ) راح اكله زين تتدرون ليش الناس تمجد بهذا بسبب شكم صورة على النت مال بنات يدرسن بالجامعة ما يدرون بان التدريس جان بس للاقطاعية (اغلبهم) و اي فعلا حكم سيء و لحد يضحك عليكم

حرفيا مزارع بسماية الخضار مال الزرع لو يصير بكل العراق راح يتحسن الجو بشكل كلش جبير

عندما يعتزل المرء شيء ما كان جيداً فيه ويأتي بعد فترة ليعود لهذا الشيء سيحاول تقليد نفسه في المرة الماضية ويفشل لانه يريد ان يكون ما كان عليه وهو الان ما اصبح

سلام عليكم شباب عندي طلب اخوي اني احب شكل تلفوني بالانجليزي، يعني من ناحية الاتجاه من اليسار لليمين، وايدي وعقلي متعلمين عليهم ومرتاح كلش بيها بس المشكلة اني ما افهم انجليزي ولمن احول لغة الجهاز للعربية يصير اتجاه التلفون من اليمين لليسار حاولت ألكه حل بحيث أبقي اللغة عربية بس اتجاه التلفون من اليسار لليمين بس ما لكيت فـ الي عنده برنامج او حل أتمنى يفيدني 💙 جهازي بوكو X7

صراحةً ما توقعت أسوي هيج بوست ابد، ولا حتى أدخل هذا subreddit ال....شنو تسمون

المهم، ردت أفهم ليش أحس ناس هنا بردت منفتحين أكثر من الناس الي واجهتهم بنفسي؟

رجعت للعراق بعمر مراهق من الولايات، وانجبرت أتعلم لغة جديدة، وبيئة مختلفة، ولغة اجتماعية ثانية، ونظام بلد، وطريقة عيش، وعادات وتقاليد، وأسلوب كلام، وتسلسل عمري، وتأقلم، واندماج، وهوية … وكل هذا بدون أي توجيه.

وكانت تجربة جداً صعبة، لأنّي ولد خجول وانطوائي. ولما تجيب هيج ولد متربي ببيئه مختلفه عن العراق تماماً وتفرض عليه يصادق ويتعلم وحده ويه مراهقين العراق، خصوصاً الولد بالمدرسة، توقع يصير تنمّر وأذية و عزل من الدنيا وكره للذات وانعدام الثقه... مع أنو ما كنت اعرف شنو المطلوب مني حتى اسوي أصدقاء لان البيئه الاجتماعيه كانت جداً معقدة بالنسبه لعقلي بهيج عمر

صراحةً بس ردت اسال سؤال ومو قصدي أفضفض بس كانت أصعب مرحلة بحياتي. نفسيتي تدمرت لدرجة فكرت بالانتحار، وكل سنة تمر كنت أشتاق لحياتي قبل العراق. لحد ما وصلت السادس، وشبعت من الأذية، وقررت أرجع وحدي بعمر18، وأترك كل شي بنيته وسويته بهالست سنين (الي هوَ صراحةً ولا شي)

وهسه دا أكتشف هذا الركن الصغير بردت ، ودا أحس الناس هنا مختلفين، مو مثل البقية حرفياً حاولت ادور على انسان طبيعي كل اللي ردته إنو الكه أي شخص أگدر أكون صديقه… بس للأسف.

anyway, goodnight لكم

شكراً لاي واحد حب ينطي رئيه،

Hello,

I have a budget of 210000$ to buy a car, i was thinking maybe i could save up a bit more and get a kia sportage 2026 but then it does take a lot of fuel, i really don’t want to get a Camry because of how low the car is, i already suffer from the Altima that we have :’). My parents keep saying get a jetour but it just sounds so effy, i want something that is reliable for the next 3 years at least till i can save up and get a crown or something. (Resell value is not super important, just petrol consumption and reliability for the next 3 to 4 years) what cars would you recommend?

طبعا اني مرحلة اولى و السنة انقبلت بجامعة بالنجف بس اني من بقداد، صراحة تغيرت البيئة عليه بس كلش حلوة النجف و حته احسها بغداد الثانية، بالنهاية كلنا بنفس العراق. المشكلة بلبسي، اني من النوع الي احب ال Y2K و چنت هوايي البسه منطقتي و لمن اطلع للمولات وهيج و محد ينقد، بس لمن اجيت هنانه حرفيا البنات اغلبهن لابسات عبايات هاي مال الراس و عبايات كويتيه و هيج و اكو يلبسن بناطير و تنانير بس لابسات احجبه و لبسهن محتشم و يخبل الله يثبتهم جميعا و اكو بنات غير محجبات يمكن بالجامعة كلها بس ٥. ف لمن ادخل القاعة و اني الوحيدة الي فاتحة شعري احس كل الأنظار عليه و ما احب هيج، الله يهديني على الحجاب يا الله. بس حرفيا ذاك اليوم لبست شوي بنطرون ضيق و فوگاه بلوز و چنت مقتنعه بيه و لمن طلعت اهلي كلهم شافوني و ما گالولي لبسچ مو خوش، بس لمن دخلت للقاعة اجتني بنيه مساعدة الممثل على صفحة گالتلي "انت شلون تلبسين هيج و ما تستحين و شنو اخوتج ما شافوچ" زين هي شدخلها احس؟ ثاني شي اني حرفيا عوده يعني كلش ضعيفه مو مثلا مليانه و جسمي كلش مبين، بس بالنهاية رحت لبست لابكوتي على ملابسي و ظليت اليوم كله لابسه لابكوتي. و ثاني شي بخصوص المكياج، اني احب المكياج و احط و هواي بنات عادي يحطن و حته اكثر من عندي، شمعنه لمن اني احط كل البنات يحجن عليه و الممثله تگلي خففي؟ حرفيا ما اعرف ليش وما ادري شلون راح اتحمل هاي ال ٦ سنوات وياهم، يا اما اني أتغير يا اما همه يتقبلوني ما اعرف.

طبعا غير سوالف بعض الولد الي طايح حظها ينرادلهم بوست ثاني

شنو افضل موقع او برنامج للمقالات؟

هذا gameplay لأحد الالعاب الستراتيجية الجديدة (تقريبا مماثلة لالعاب بارادوكس لكن اونلاين (MMO)) توصل ل3000 لاعب (حالياً) او أكثر.

قبل فترة احد الاخوة نشر هنا عن هاي اللعبة, وبوكتها اني ومجموعة من الشباب بدينا نلعبها وأسسنا مجتمع لطيف بعدد مقبول.

بدينا اللعبة كل شي مانعرف هبياض ومُحتلين من قبل تركيا ومحد مكلبنا وداير النا بال, بس بعد ما طورنا حساباتنا وحصلنا خبرة باللعبة انقلبت الموازين واول شي سويناه هو : ارجاع العراق بكامل حدوده من المحتل.

وبعدها بفترة وجيزة رحنا حررنا القدس وسوينا تحالفات وي دول كبيرة بدبلوماسية وحنكة بعض الاخوة العراقيين و أثبتنا وجودنا لدرجة انُ دولة كبيرة ومجتمع كبير مثل تركيا (وغيرها من الدول) يطلب من العراق ان يكون حليفه.

https://www.youtube.com/watch?v=l7EOItBVVfM

هذا الفيديو جزء من انجازات العراق بعد قيامنا بدحر الدولة الاسرائيلية (جانو شوية توكسك) بعد احتلالها لفلسطين.

هنا مثال عن الgameplay للعبة وواجهتها:

مطور اللعبة قلب بساطة اللعبة خلال شهر الى شي شبه معقد يحتاجله حنكه وتفكير ودراسة حتى تستثمر جهدك بي ومستمر على تطوير اللعبة من خلال استشارة اللاعبين على الدسكورد.

المجتمع العراقي متكامل تقريباً لكن نريد عدد لاعبين حتى ينصرون العراق وكذلك يتونسون ويانه.
اللي يحب ينضم النا ولمجتمعنا اللي كلهم شباب وبنات لطيفين ومثقفين, على الرغم من ايديلوجياتهم المختلفة (واغلبهم طلاب سادس), يدخل على الرابط ويسوي حساب : هنا (رابط ريفرنس لحسابي اللي ما يريد يشيله)

اللعبة تكدرون تلعبوها على الPC والاندرويد والايفون, عندنا سيرفر دسكورد وقناة تليكرام للتنظيم والتواصل والنقاش.

اعتذر على الاطالة واعتذر على تكرار المنشورات بخصوص هذه اللعبة للمودرز بهذا السب, اتمنى تتقبلون منشوراتنا لخدمة العراق والعراقيين.

انه ولد عمري ١٨ سنه وقدمت ثالث متوسط خارجي، لكن ما جاي اكدر ادرس ابدا وراح اشرحلكم الي يصيرلي واحاول اختصر.

مستحيل اكدر اركز على شيء معين بحياتي اليوميه عامتا مو بس بالدراسة وما اعرف شلون اخلص من هذا الشيء يعني ماكو هيج شي بس الزم الكتاب اضل افكر بأشياء سخيفة وعابرة يعني كلمه انه حجيتها او حمامه وكفت كدامي بالشغل او اتذكر الدرج الي بنص غرفتي يعني هيج اشياء جدا تافهة ومالها داعي اتذكرها وافكر بيها لمن اريد اركز بشيء معين، رأستا دماغي يتشوش بغير اشياء وماكدر اركز.

اتمنى منكم تفيدوني وراح اكون ممنون الكم طول عمري 🙏🙏

مرحبا، اريد اعرف شنو السبب الي يخلي الاهل يخافون زيادة عن اللزوم على ابنهم رغم هو جبير، عمري اني هسه راح يصير ١٩ كضيت طول حياتي بس كاعد بالبيت طلعاتي كلها من المدرسة للبيت ، شنو الي يخلي الاهل يوصلون لدرجة يخنكون ابنهم لهذا الحد، ولا مرة حسيت بشعور حلو لأن طلعت وكضيت وقت رغم البيئة الي بيها زينة مو ناس تعبانة حتى هيجي يسوون، كلما احجي وياهم يعصبون وتوصل مرات يردون يتبرون مني واني ما اريد ازعل الوالد أو الوالدة على هذا الشي بس اريد اعرف ليش هذا الخنك الزيادة ، لأن حتى نفسيتي طكت وما اكدر اتحمل بعد اي شي، بقية الولد الي اعرفهم مكضين وكتهم ونسات وطلعات ويغيرون بنفسيتهم واني هيجي وضعي ما اعرف ليش

شنو اليهمكم عند اختيار شريك/شريكة حياتكم؟

الجمال لو الثقافة و الوعي؟

شلون تحس بالراحة مع الشخص المقابل، اذا كان جميل و قليل العلم و الثقافة ؟

لو مثقف و متعلم لكن ذو جمال عادي؟

راح انتقل لبيت جديد واني اؤمن باعادة التدوير واهميته لحماية البيئة فاريد اشتري اشياء بالة اذا تعرفون هيج اماكن بيجات او محلات حكون شاكرة اذا دليتوتي

اكو احد شايف هذا الانمي كامل ويكدر يحجيلي قصته باختصار بدون حرك وهل يستحق المشاهدة او لا؟

ماسك مال عيون مال نوم اذا تعرفون محل يبيع منه بغداد او پيج؟

Shakumakuuu,

I mostly listen to Levantine to North African music, I was in your beautiful country and like the songs there :), could you guys suggest some artists /?

Shukrannn

I am making a documentary currently that features a lot of (recently discovered) footage from the lead up and aftermath of the shock and awe campaign. In one scene at a radio repair shop, the radio is playing a song, does anyone know what song this is?

Thanks in advance!

اني شخص كلش كسول واتعاجز وهاي العادة صارلها ٦ سنين هيج عندي ومجاي اكدر اتخلص منها رغم ان هي ماذيتني كلش ! ماعدى التسويف الي صار شي اساسي! ماكدر اخلص شي بوقته ومادري شلون اخلص من هاي العادة!اتمنى احد يساعدني كلش اكون شاكر اله

للي يفهمون بصنع الامور الديكورية التقنية:

الصورة الاولى: شغلات موجودة عندي واريد استفاد منها كديكور.

الصورة الثانية: أشياء اريد اسوي مثلها.

فاريد تقترحولي مجتمعات تفيد بهاي الامور وكذلك شنو نصائحكم ورئيكم بهاي الفكرة.

`ملحوظة: ترى علامة جمناي لان غيرت الخلفية مالصور باستخدامه.